Халқ депутатлари Наманган вилояти Кенгаши котибияти мудири Т. Гаппаров, вилоят Кенгаши депутатлари Н. Муҳаммадиева, Д. Хатамова ҳамда Янгиқўрғон тумани
Кенгаши депутатлари ва котибият ходимлари томонидан Ўзбекистон Республикаси Олий Мажлиси Сенати Кенгашининг 2025 йил 14 январдаги КҚ-35-V-сонли қарори ижросини таъминлаш мақсадида тумандаги “Деҳқонобод” маҳалла фуқаролар йиғини ҳудудида амалга оширилаётган қурилиш ишлари жойига чиққан ҳолда кўздан кечирилди.


Ўрганиш давомида туман мактабгача ва мактаб таълими бўлими тасарруфидаги 33-сонли мактабгача таълим муассасасида амалга оширилаётган капитал таъмирлаш ишлари ҳамда янги ўқув биноси барпо этиш лойиҳаси билан батафсил танишилди.


Маълум қилинишича, мазкур МТТ давлат дастури доирасида инфратузилмани ривожлантириш лойиҳасига киритилган бўлиб, лойиҳа учун 5,4 миллиард сўм маблағ ажратилган. Унга кўра, 150 ўринга мўлжалланган замонавий мактабгача таълим муассасасини қуриш режалаштирилган.


Қурилиш ишларини олиб бораётган пудратчи ташкилот вакиллари билан мулоқот давомида мавжуд муаммолар ва таклифлар муҳокама қилиниб, уларни ўз вақтида бартараф этиш юзасидан тегишли ташкилотларга аниқ топшириқлар берилди.


Шунингдек, объектни белгиланган муддатларда сифатли фойдаланишга топшириш, қурилиш жараёнида техник талаб ва меъёрларга қатъий риоя қилиш, шунингдек, болалар учун хавфсиз ва замонавий шарт-шароитларни яратиш бўйича масъулларга зарур кўрсатмалар берилди.