Xalq deputatlari Mirzo Ulug‘bek tumani Kengashi deputati Shavkat Abdukamilov tumandagi “Azamat” mahallasiga tashrif buyurdi

Tashrif davomida mahalla yettiligi bilan birgalikda hududda amalga oshirilayotgan ishlar, fuqarolarni bezovta qilayotgan muammolar va ularning yechimlari, avval yuborilgan deputatlik so‘rovlari natijalari hamda mahalladagi mavjud masalalar atroflicha muhokama qilindi.

Shuningdek, huquqbuzarlik va jinoyatchilikning oldini olish, xotin-qizlar bilan ishlash, ijtimoiy himoyaga muhtoj oilalarni qo‘llab-quvvatlash masalalariga alohida e’tibor qaratildi.

Uchrashuvda mahallaga biriktirilgan “Trastbank” vakili ham ishtirok etib, aholi va tadbirkorlar uchun ajratilayotgan imtiyozli kreditlar hamda biznesni rivojlantirish imkoniyatlari haqida ma'lumot berdi.

Yakunda aniqlangan bir qator muammolar yuzasidan mutasaddi tashkilotlarga tegishli deputatlik so‘rovlari yuborishga kelishib olindi.