Nókis rayonı hákimliginiń úlken májilisler zalında Xalıq deputatları Nókis rayonlıq Keńesiniń gezektegi jetinshi shaqırıq jigirma birinshi sessiyası bolıp ótti.

Sessiya jumısına rayonlıq Keńes deputatları hám tiyisli taraw basshıları, jergilikli ǵalaba xabar quralları wákilleri qatnastı.

Sessiyanıń kún tártibindegi dáslepki másele Nókis rayonında xalıqtıń mashqalaları hám múrájatları menen islesiw sistemasın jańa dárejege kóteriw hám jámietshilik pikirin tereń tallaw boyınsha Qarshı qalası tájiriybesi tiykarında 2026-jıl birinshi sheregi dawamında ámelge asırılǵan jumıslar boyınsha Nókis rayonı Xalıq qabıllawxanası jetekshi qánigesi A.Berdievtiń esabatı tıńlandı.

Keyingi másele Ózbekstan Respublikası Ministrler Kabinetiniń 2024-jıl 11-oktyabr kúngi “Qalalar hám basqa elatlı punktler kósheleri hám ishki xojalıq jolları infradúzilmesin jánede jedellestiriw ilajları haqqında”ǵı 665-sanlı qararına tiykar Nókis rayonında 2026-jılda qum-sheben aralaspalı qaplamaǵa ótkeriliwi belgilengen ishki jollardıń mánzilli dizimin tastıyıqlaw haqqında Nókis rayonı Abadanlastırıw basqarması bas injeneriQ. Qulımbetovtıń málimlemesi tıńlandı.

Bunnan coń “Agrobank” AKB Nókis filialı hám AK Xalıq bank Aqmanǵıt bank xızmetleri orayı tárepinen 2026-jıldıń birinshi sheregi dawamında ámelge asırılǵan jumısları haqqında bank basqarıwshılarınıń esabatları tıńlandı.

Kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha rayonlıq Keńes deputatları tárepinen tiyisli qararlar qabıl etildi.