Xalıq deputatları Nókis rayonlıq Keńesiniń 5-sanlı “Aqterek” saylaw okruginen deputat R.Esenbaeva óz aymaǵında jaylasqan "Ekos" suw támiynatı obektinde bolıp, xalıqtı taza ishimlik suwı menen támiyinlew procesin úyrendi.

Úyreniw dawamında jer astı suwların alıw, zamanagóy filtrlew sisteması arqalı tazalaw hám xalıqtıń shańaraqlarına jetkerip beriw processleri menen jaqınnan tanıstı. Sonday-aq, imarattıń texnikalıq jaǵdayı, suwdıń sapasın támiyinlew hám bar mashqalalar boyınsha juwapkerler menen pikir alısıldı.

Deputat tárepinen xalıqtı sapalı hám qáwipsiz ishimlik suwı menen úzliksiz támiyinlew eń áhmietli wazıypalardan biri ekeni atap ótildi. Bunday úyreniwler aymaqlarda kommunallıq xızmetlerdiń sapasın bunnan bılay da jaqsılaw, xalıqtıń múrájatlarına sheshim tabıw hám bar mashqalalardı óz waqtında saplastırıwǵa xızmet etedi.

"Xalıq mápi jolındaǵı hár bir ámeliy is - xalıqtıń abadanlıǵına qaratılǵan áhmietli qádem bolıp esaplanadı."

👉https://t.me/Nukus_tuman_Kengashi
👉https://www.facebook.com/reel