Xalq deputatlari Boyovut tumani Kengashi deputati N.Narxadjayeva kotibiyat ish rejasida belgilangan vazifalar ijrosi yuzasidan ijtimoiy muammolarni o‘rganish hamda hududlarda olib borilayotgan qurilish va ta’mirlash ishlarini monitoring qilish maqsadida “Yangiobod” mahallasida joylashgan 33-umumta’lim maktabida bo‘ldi.

O‘rganish davomida mazkur ta’lim muassasasida olib borilayotgan qurilish ishlari jarayoni bilan yaqindan tanishildi. Ma’lum qilinishicha, obyekt “Bunyodkor stroy” MCHJ tomonidan bunyod etilayotgan bo‘lib, loyiha doirasida 220 o‘rinli zamonaviy o‘quv maskani qurilmoqda.

Shuningdek, mas’ullar tomonidan qurilish ishlari belgilangan reja asosida davom etayotgani hamda obyektni joriy yilning 25-avgust sanasida foydalanishga topshirish rejalashtirilgani bildirildi.

Deputat tomonidan qurilish ishlarining sifati, belgilangan me’yor va talablar asosida olib borilishi, shuningdek, obyektni o‘z vaqtida foydalanishga topshirish masalalariga alohida e’tibor qaratildi.