O‘zbekiston Respublikasi Prezidentining 2023-yil 21-dekabrdagi PF-209-son Farmonida belgilangan vazifalar ijrosi yuzasidan xalq deputatlari Bo‘stonliq tumani Kengashi kotibiyati mudiri J.Sadirov va kotibiyat xodimi M.Tursunbayeva tomonlaridan tumanning “G‘azalkent” mahallasida faoliyat yuritayotgan yoshlar yetakchisi faoliyati o‘rganildi.

🔵O‘rganish jarayonida yoshlar yetakchisi tomonidan mahallada amalga oshirilayotgan ishlar, “Yoshlar daftari” bilan ishlash holati, ishsiz yoshlarni bandlikka jalb qilish, ularning bo‘sh vaqtlarini mazmunli tashkil etish hamda iqtidorli yoshlarni qo‘llab-quvvatlash borasidagi faoliyat ko‘rib chiqildi.

🔵Yoshlarning jamiyatda munosib o‘rin egallashi, ularni vatanparvarlik ruhida tarbiyalash va tashabbuslarini rag‘batlantirish muhim vazifa ekani ta’kidlanib, yoshlar muammolarini o‘z vaqtida hal etish, ular bilan manzilli ishlash hamda mavjud imkoniyatlardan samarali foydalanish yuzasidan tegishli tavsiyalar berildi.

🔵Shuningdek, mahallada huquqbuzarlik va jinoyatchilikni oldini olish bo‘yicha olib borilayotgan ishlar yuzasidan mahalla raisi bilan suhbatlashildi.