O‘zbekiston Respublikasi Prezidentining 2023-yil 21-dekabrdagi PF-209-son 2025-yil 10-sentyabrdagi PF-163-son Farmonlarida belgilangan vazifalar ijrosi yuzasidan “Besh-tut” mahalla fuqarolar yig‘inida faoliyat yuritayotgan yoshlar yetakchisi D.Ikromovaning faoliyati O‘zbekiston Liberal-demokratik partiyasidan saylangan deputat M.Mirabdullayev tomonidan o‘rganildi.

🔵O‘rganish jarayonida yoshlar yetakchisi tomonidan mahalladagi uyushmagan yoshlarni kasb-hunarga yo‘naltirish, bandligini ta’minlash, sport va madaniy tadbirlarga jalb etish borasida amalga oshirilayotgan ishlar bilan tanishildi. Shuningdek, “Yoshlar daftari”ga kiritilgan yoshlar bilan olib borilayotgan ishlar, ularning murojaatlari va muammolarini hal etish bo‘yicha ko‘rilayotgan chora-tadbirlar muhokama qilindi.

🔵Deputat ayrim yoshlar bilan ham bevosita suhbatlashib, ularning ta’lim olish, ish bilan ta’minlanish, tadbirkorlikni boshlash va bo‘sh vaqtlarini mazmunli tashkil etish borasidagi fikr va takliflarini tingladi. Shu bilan birga, yoshlarni turli yot g‘oyalar ta’siridan asrash, ularning vatanparvarlik ruhini mustahkamlash, sport va kitobxonlikka qiziqishini oshirish borasida hamkorlikda ishlarni yanada kuchaytirish zarurligi qayd etildi.

🔵Uchrashuv yakunida yoshlar bilan manzilli ishlash, ularning tashabbuslarini qo‘llab-quvvatlash va muammolarini o‘z vaqtida hal etish bo‘yicha tegishli vazifalar belgilab olindi.