Shuningdek, mahalliy Kengash deputatlari faoliyatining ustuvor yo‘nalishlari bo‘yicha belgilangan 24 ta tavsiyadan kelib chiqib, hududlardagi muammolarni bartaraf etish yuzasidan amaliy ishlar olib borilmoqda.

Xalq deputatlari Marg‘ilon shahar Kengashining 16-Ipak yo‘li saylov okrugi deputati A.Maxkamov tomonidan Ipak yo‘li mahalla fuqarolar yig‘inida navbatdagi o‘rganish ishlari tashkil etildi. Unda mahalla raisi ham ishtirok etib, hududdagi infratuzilma bilan bog‘liq muammolar joyiga chiqqan holda ko‘zdan kechirildi.

O‘rganish jarayonida mahalladagi Farg‘ona 1-tor va Furqat ko‘chalarining holati atroflicha tahlil qilindi. Mazkur ko‘chalarda yo‘l qoplamasining eskirgani, ayrim joylarda qatnov uchun noqulayliklar mavjudligi aholi murojaatlarida ham qayd etilgan.

Deputat tomonidan ko‘chalardagi mavjud kamchiliklarni bartaraf etish, ta’mirlash ishlarini jadallashtirish hamda mutasaddi tashkilotlar bilan hamkorlikda muammoni bosqichma-bosqich hal etish yuzasidan tegishli taklif va tavsiyalar bildirildi.

Ta’kidlanishicha, bunday o‘rganishlar hududlarda aholini qiynayotgan masalalarni aniqlash, ularni tizimli ravishda hal etish va fuqarolar uchun qulay infratuzilma yaratishda muhim ahamiyat kasb etadi.

Xalq deputatlari Marg‘ilon shahar Kengashi tomonidan hududlarni obodonlashtirish, ichki yo‘llarni ta’mirlash hamda aholi murojaatlariga yechim topish borasidagi ishlar davom ettirilmoqda.