#Doimiy_komissiya_faoliyati

Xalq deputatlari Payariq tumani Kengashining tegishli doimiy komissiyasi yig‘ilishida 2026-yilning I choragi davomida tumanda yuqumli kasalliklarga qarshi kurashish hamda aholi orasida sog‘lom turmush tarzini targ‘ib qilish bo‘yicha amalga oshirilgan ishlar yuzasidan Sanitariya-epidemiologik osoyishtalik va jamoat salomatligi Payariq tumani bo‘limi boshlig‘i M.Burxonovning hisoboti muhokama qilindi.

Hisobotda qayd etilishicha, 2026-yilning 3 oyi davomida tuman hududida o‘ta xavfli yuqumli kasalliklar qayd etilmagan. Mavjud 60 turdagi yuqumli kasalliklardan 11 turi ro‘yxatga olingan.

Shuningdek, o‘tkir ichak infeksiyasi bilan bog‘liq holatlar 2025-yilning shu davrida 58 tani tashkil etgan bo‘lsa, 2026-yilning 3 oyida 45 ta holat qayd etilib, 13 taga kamayganligi ta’kidlandi.

Yig‘ilishda yuqumli kasalliklarning oldini olish, sanitariya holatini yaxshilash hamda profilaktik tadbirlarni kuchaytirish yuzasidan tegishli tavsiyalar berildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram