🔴Mazkur jarayonda xalq deputatlari viloyat Kengashi kotibiyat mudiri Sh.Boyqulov, viloyat Kengashi deputati G.Tangirova, tuman Kengashi deputatlari O.Maxmudov, Z.Ahmedova, A.Xamrayev hamda tegishli mas'ullar, mahalla yettiligi vakillari ishtirok etdi.

🔴Tadbirlar davomida mahalla yettiligi tomonidan aholi murojaatlari bilan ishlash holati, ijtimoiy muammolarni aniqlash va bartaraf etish choralari, yoshlar va xotin-qizlar bilan olib borilayotgan ishlar hamda profilaktika va bandlik yo‘nalishidagi faoliyati atroflicha tahlil qilindi.

🔴 O‘rganish davomida O‘zbekiston Respublikasi Prezidentining 2024-yil 24-dekabrdagi “2025-2027-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-454-sonli qarori asosida hududni rivojlantirish dasturi ijrosiga e’tibor qaratildi.

🔴Ayni paytda mahallada 330 o‘rinli zamonaviy umumta’lim maktabi hamda keng sig‘imli sport zalini barpo etish ishlari jadal davom etmoqda.

🔴Qiymati 11 milliard so‘mdan ortiq bo‘lgan ushbu yirik loyiha hududdagi ta’lim sifatini oshirish va aholi farovonligini ta’minlashga xizmat qiladi.

🔴Loyiha hujjatlariga muvofiq, zamonaviy andozadagi mazkur ta’lim maskanining qurilish ishlari joriy yilning oktyabr oyida yakunlanishi belgilangan.

🔴Viloyat Kengashi va tuman Kengashi deputatlar tomonidan davlat dasturi doirasida ajratilgan mablag‘larning maqsadli sarflanishi va ishlar sifati yuzasidan tizimli nazorat o‘rnatilishi belgilandi.