Ózbekstan Ekologiyalıq partiyasınan Taxtakópir rayonlıq partiya shólkemi Keńesiniń baslıǵı B.Baymbetova hám xalıq deputatları rayonlıq Keńesiniń deputatı A.Pirjanovanıń baslaması menen rayondaǵı "Ózbekstan" MPJ aymaǵında jaylasqan 9-sanlı ulıwma bilim beriw mektebinde "Partiya ideyası" atamasında dógerek sáwbeti shólkemlestirildi.
Ilajda partiyanıń tiykarǵı maqset hám wazıypaları, ekologiyalıq qáwipsizlikti támiyinlew, turaqlı rawajlanıwǵa erisiw hám qorshaǵan ortalıqtı qorǵaw baǵdarındaǵı tiykarǵı wazıypalar haqqında tolıq maǵlıwmat berildi.
Ayrıqsha atap ótilgenindey, búgingi kúnde shıǵındılardı durıs basqarıw, tábiyǵıy resurslardan aqılǵa uǵras paydalanıw hám ekologiyalıq mashqalalarǵa biypárwa bolmaw hár bir puqaranıń áhmietli wazıypasına aylanbaqta. Ásirese, jaslar arasında ekologiyalıq bilim hám mádeniyattı arttırıw - keleshekti saqlawdıń eń áhmiyetli faktorlarınan biri.