2026-jıl 14-may  kúni Xalıq deputatları Taxtakópir rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası májilisi bolıp ótti.
Májilisti turaqlı komissiya baslıǵı S.Kayrzaeva ashıp berdi hám kún tártibindegi máseleler menen qısqasha tanıstırıp ótti.
Kún tártibinde tómendegi máseleler qaraldı:
- Taxtakópir rayonı jergilikli byudjetiniń 2026-jıldıń I sheregi dáramatlar rejesiniń artıq orınlanģan bólegi esabınan qarjı ajıratıw haqqında;
- Taxtakópir rayonı jergilikli byudjettiń 2026-jıl 1-yanvar jaģdayına anıqlanģan erkin qaldıq bólegi esabınan qarjı ajıratıw haqqında;
- 2026-jıl ushın eksport prognoz kórsetkishleriniń reje hám olardıń orınlanıwı, jergilikli eksportyorlardı qollap-quwatlaw hám investitsiyalardı tartıw hám de investitsiya joybarları boyınsha ámelge asırılıwı zárúr bolģan is-ilajlardıń orınlanıwı haqqında máseleler qarap shıǵılıp, hár tárepleme dodalanıp, bildirilgen pikir-usınıslar tiykarında rayonlıq Keńestiń gezektegi sessiya májilisine usınıw boyınsha sheshim qabıl etildi.