“Yurt qayg‘usida 365 kun” — bu shunchaki kitob emas, balki mamlakatimizda olib borilayotgan islohotlar, xalq farovonligi va yurt taraqqiyoti yo‘lida amalga oshirilayotgan ulkan ishlar solnomasidir.
Prezidentimiz Shavkat Mirziyoyevning 2025 yil davomidagi serqirra faoliyati, xalq bilan muloqotga asoslangan davlat siyosati, iqtisodiy va ijtimoiy sohalardagi islohotlari, xalqaro maydondagi faol diplomatiyasi mazkur kitobda keng va ta’sirchan yoritilgan.
Kitobni o‘qir ekanmiz, yurtimizda har bir sohada amalga oshirilayotgan o‘zgarishlar ortida katta mehnat, mas’uliyat va xalq taqdiriga daxldorlik tuyg‘usi turganini yana bir bor his qilamiz. Ayniqsa, ta’lim, ekologiya, ijtimoiy himoya va tadbirkorlikni qo‘llab-quvvatlashga qaratilgan tashabbuslar har bir fuqaro hayotida o‘z aksini topayotgani quvonarli.
Deputat sifatida aytish mumkinki, bunday kitoblar xalq va davlat o‘rtasidagi ishonch, ochiqlik va taraqqiyot yo‘lining amaliy ifodasidir. Bu — kecha va bugunni tahlil qilib, ertangi kunga ishonch bilan qarashga xizmat qiladigan muhim manba.