Yig‘ilishda Kengash kotibiyati mudiri A.Ashurov, bosh mutaxassislar R.Mamashukurov, A.Temirov hamda yoshlar maslahat guruhi a’zosi B.Xudoyqulov qatnashdilar.

🟢Kengash raisi dastlab mamlakatimizda kechayotgan keng ko‘lamli o‘zgarishlar va yangi qabul qilinayotgan qonun hujjatlarining mazmun-mohiyati, ularning shahar hayotidagi ahamiyati haqida to‘xtalib o‘tdi.

🟢O‘tgan hafta davomida deputatlar tomonidan o‘z saylov okruglarida amalga oshirilgan ishlar natijadorligi atroflicha ko‘rib chiqildi. Kotibiyat bosh mutaxassislarining hisobotlari tinglanib, har bir deputatning aholi muammolarini hal etishdagi faolligi baholandi.

🟢Yig‘ilishda Kengash huzuridagi yoshlar maslahat guruhining bugungi kundagi faoliyati muhokama qilindi. Guruh a’zolarining yoshlar bilan ishlash, yangi tashabbuslarni ilgari surish va ijtimoiy loyihalardagi sustkashligi keskin tanqid qilindi. Mas’ullarga guruh faoliyatini tubdan qayta ko‘rib chiqish vazifasi yuklatildi.

💬 Yig‘ilish yakunida joriy hafta davomida ishlarni yanada samarali tashkil etish, aholi bilan muloqotni kuchaytirish va nazorat-tahlil tadbirlarini sifatli o‘tkazish yuzasidan aniq tavsiyalar berildi.