Xalq deputatlari Hazorasp tuman Kengashi Kotibiyat mudiri Vaisov Mash’al Islomovich tashabbusi bilan xalq deputatlari Hazorasp tuman Kengashi deputatlari Abdukarimov Valibek Erkaboevich, Atanazarova Manzura Rajabboevna hamda Ataboev Sarvarbek Baxodirovichlar tomonidan Hazorasp tumani
👉Al-Xorazmiy mahallasida joylashgan 21-son umumta’lim maktabining sport zali va sport anjomlari holati o‘rganildi.
📝O‘rganish davomida sport zalining bugungi holati, o‘quvchilar uchun yaratilgan sharoitlar, mavjud sport jihozlari va ulardan foydalanish darajasi atroflicha ko‘zdan kechirildi. Shuningdek, sport mashg‘ulotlarini samarali tashkil etish, yoshlarni sportga keng jalb qilish hamda sog‘lom turmush tarzini targ‘ib etish masalalariga alohida e’tibor qaratildi.
📁Deputatlar tomonidan sport anjomlarini yangilash, ayrim jihozlarni ta’mirlash hamda sport zalidagi mavjud kamchiliklarni bartaraf etish bo‘yicha tegishli tavsiya va takliflar bildirildi. Ta’kidlanganidek, yosh avlodning jismoniy va ma’naviy barkamolligini ta’minlashda ta’lim muassasalaridagi sport infratuzilmasini yaxshilash muhim ahamiyat kasb etadi.

💼Mazkur o‘rganish ishlari kelgusida yoshlar uchun yanada qulay va zamonaviy sport sharoitlarini yaratishga xizmat qiladi.