Xalq deputatlari Sharof Rashidov tuman Kengashiga 3-Xavastlik saylov okrugidan saylangan deputat Isomxonova Gulnora Sharafuddinovna Xavastlik mahallasida bo‘lib, mahallada faoliyat yuritayotgan “mahalla yettiligi” faoliyati bilan yaqindan tanishdi.
Mahallada faoliyat yuritayotgan yoshlar yetakchisi, hokim yordamchisi hamda ijtimoiy xodim tomonidan amalga oshirilayotgan ishlar samaradorligiga alohida e’tibor qaratildi. Jumladan, yoshlar bandligini ta’minlash, ularni kasb-hunarga yo‘naltirish, bo‘sh vaqtini mazmunli tashkil etish, aholini kambag‘allikdan chiqarish, oilalarning daromad manbalarini oshirish va tadbirkorlikka jalb qilish borasidagi ishlar o‘rganildi. Shuningdek, ijtimoiy ehtiyojmand hamda kam ta’minlangan oilalarni qo‘llab-quvvatlash, ularga ijtimoiy nafaqalar va moddiy yordamlarni tayinlash hamda aholiga ko‘rsatilayotgan ijtimoiy xizmatlar sifati yuzasidan olib borilayotgan ishlar ham muhokama qilindi.