"Abubakr Shoshiy” mahallasida hududiy o‘rganishlar va aholi bilan ochiq muloqot tashkil etildi

🏛 Xalq deputatlari Olmazor tumani Kengashi deputati Kamala Xalitovna tomonidan Olmazor tumanidagi “A.Shoshiy” mahallasida uchrashuv tashkil etilib, Mahalliy Kengash deputatlari faoliyatining eng muhim 24 ta yo‘nalishi asosida hududdagi ijtimoiy-iqtisodiy holat, infratuzilma, aholi murojaatlari hamda mavjud muammolar yuzasidan manzilli o‘rganishlar olib borildi.

📍 Uchrashuv davomida Kengash deputatlari, kotibiyat bosh mutaxassisi, mahalla faollari, “mahalla yettiligi” a’zolari hamda mahalla nuroniylari ishtirokida hududda amalga oshirilayotgan islohotlar samaradorligi, aholi turmush sifatini yaxshilashga qaratilgan tashabbuslar va mahalladagi ustuvor vazifalar atroflicha muhokama qilindi.

🔎 Xususan, mahalladagi yoshlar yetakchisi faoliyati va yoshlar bandligini ta’minlash, aholiga o‘z vaqtida sifatli tibbiy xizmat ko‘rsatish, bepul dori vositalari bilan ta’minlash, ijtimoiy himoyaga muhtoj oilalarni qo‘llab-quvvatlash, xotin-qizlar faollari hamda hokim yordamchilari tomonidan amalga oshirilayotgan ishlar samaradorligi yuzasidan tahliliy muloqotlar olib borildi.

📈 Mahalladagi aholi bandligi, oilaviy tadbirkorlikni rivojlantirish, investitsion imkoniyatlarni kengaytirish, madaniyat va sport infratuzilmasini yaxshilash, ta’lim va ijtimoiy xizmatlar sifatini oshirish bo‘yicha amalga oshirilayotgan ishlar yuzasidan ham taklif va tashabbuslar ilgari surildi.

🤝 Xalq deputatlari Olmazor tumani Kengashi deputatlari tomonidan fuqarolar bilan doimiy muloqot qilish, mahalladagi muammolarni joyida aniqlash va ularni tizimli hal etish, “mahalla yettiligi” bilan hamkorlikni kuchaytirish orqali hudud rivojiga amaliy hissa qo‘shish deputatlik faoliyatining muhim ustuvor yo‘nalishlaridan biri ekani alohida ta’kidlandi.

✅ Yakunda ko‘tarilgan masalalarni bosqichma-bosqich hal etish, tegishli tashkilotlar bilan hamkorlikda aniq chora-tadbirlarni belgilash hamda ularning ijrosini qat’iy nazoratga olish yuzasidan muhim vazifalar belgilab olindi.