Жаҳон банкининг “Қишлоқ инфратузилмасини ривожлантириш” лойиҳаси доирасида Янгиқўрғон тумани Бунёдкор МФЙ ҳудудида ички йўлларни асфальтлаш ишлари бошланди.
Мазкур қурилиш ишлари “Saroy Ziynati” ХК томонидан амалга оширилмоқда. Лойиҳа доирасида маҳалла ички кўчаларининг ҳолатини яхшилаш, аҳоли учун қулай ва хавфсиз ҳаракатланиш шароитини яратиш мақсад қилинган.
🔹 Халқ депутатлари Янгиқўрғон туман Кенгаши депутати Боймирзаев Улуғбек Муҳаммадович томонидан олиб борилаётган ишлар жойига чиққан ҳолда ўрганилиб, депутатлик назорати амалга оширилди.
🔹 Ўрганиш давомида қурилиш ишларининг сифати, белгиланган меъёрлар асосида бажарилиши ҳамда ишлар муддатида якунланиши юзасидан масъулларга тегишли тавсия ва кўрсатмалар берилди.
✔️ Бундай амалий ишлар ҳудуд инфратузилмасини янада яхшилаш, аҳоли турмуш шароитини ошириш ҳамда маҳаллаларни обод ва замонавий қиёфага келтиришга хизмат қилади.

Slide 1 of 2