📍 Shovot tumani, 2026-yil —
🏛 Xalq deputatlari Shovot tumani Kengashi deputati Babajanov Jamolbek Jumabayevich elektr ta’minoti korxonasi boshlig‘i I. Qalandarovga rasmiy deputat so‘rovini yubordi.
📄 Deputat so‘rovida “Energiyani tejash, undan oqilona foydalanish va energiya samaradorligini oshirish to‘g‘risida”gi O‘RQ-940-sonli Qonun talablariga muvofiq, tumanda energiyani tejash, energiyadan oqilona foydalanish hamda energiya samaradorligini oshirish bo‘yicha hududiy dasturlarning holati so‘ralgan.
📌 So‘rovda quyidagilar bo‘yicha ma’lumot taqdim etilishi so‘raladi:
⚙️ energiyani tejash va energiya samaradorligini oshirish bo‘yicha hududiy dasturlarni ishlab chiqish yuzasidan tasdiqlangan yo‘l xaritasi va chora-tadbirlar rejasi mavjudligi;
👨‍💼 mazkur dasturlarni ishlab chiqish uchun mas’ul ijrochilar va tashkilotlar belgilanganligi;
🏛 hududiy dasturlarni Xalq deputatlari Shovot tumani Kengashiga kiritish bo‘yicha amalga oshirilgan amaliy ishlar;
💡 elektr energiyasidan oqilona foydalanish, energiya yo‘qotishlarini kamaytirish hamda energiya samaradorligini oshirish yuzasidan ko‘rilayotgan choralar;
📊 ushbu yo‘nalishdagi mavjud muammolar va ularni bartaraf etish bo‘yicha takliflar.
⏳ Javob 10 kun muddat ichida yozma shaklda taqdim etilishi shart.
📎 Manba: Deputat Babajanov Jamolbek Jumabayevichning 57-ds-448-26-sonli rasmiy murojaati.