Xalıq deputatları Bozataw rayonlıq Keńesi deputatı sekretariatı baslıǵı - A.Ibragimov (ÓzMTDP) tárepinen "Qusqanataw" awıl puqaralar jıyınında xızmet alıp barıp atırǵan jaslar jetekshisi A.Berdaxovtıń jumısları úyrenildi. Úyreniw dawamında jaslar menen alıp barılıp atırǵan isler, olardıń bos waqtın mazmunlı shólkemlestiriw, jumıssız jaslardı kásipke baǵdarlaw, sport hám mádeniy is-ilajlarǵa tartıw boyınsha ámelge asırılıp atırǵan jumıslar kózden ótkerildi. Sonday-aq, “Jaslar dáptéri” menen islew, jaslardıń múrájatların úyreniw hám olardı qollap-quwatlaw boyınsha alıp barılıp atırǵan jumıslar haqqında pikir almasıldı. Máhálledegi jaslardıń bántligi, bilim alıwı hám jámiyetlik ómirdegi belsendiligin arttırıw boyınsha usınıslar berildi. Úyreniw juwmaǵında jaslar menen islew sistemasın jáne de jetilistiriw, olardıń qızıǵıwlarına qarap túrli shólkemlestiriw
jumısların kóbeytiw boyınsha tiyisli tapsırmalar belgilendi.