ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ КОТИБИЯТИ МУДИРИ ПИЛЛА ПАРВАРИШИ ЖАРАЁНЛАРИ БИЛАН ТАНИШДИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна томонидан туманда пилла парвариши билан шуғулланаётган хонадонларда бўлиб, мавсум давомида олиб борилаётган ишлар ўрганилди.
Ўрганиш жараёнида хонадонларда ипак қурти учун яратилган шароитлар, пиллани тўғри парваришлаш, санитария-гигиена талабларига риоя этилиши, озуқа захираси ҳамда пилла етиштириш жараёнлари билан яқиндан танишилди.
Шунингдек, хонадон эгалари билан мулоқот қилиниб, пиллачилик соҳасини ривожлантириш, аҳоли бандлигини таъминлаш ва оилалар даромадини оширишда мазкур тармоқнинг аҳамияти хусусида фикр алмашилди. Фуқаролар томонидан билдирилган таклиф ва мурожаатлар тингланиб, соҳада учраётган айрим муаммоларни бартараф этиш юзасидан тегишли тавсиялар берилди.
Таъкидланганидек, пиллачилик — аҳоли учун қўшимча даромад манбаи яратиш, хонадонлар иқтисодий барқарорлигини таъминлаш ва хотин-қизлар ҳамда ёшлар бандлигини оширишда муҳим ўрин тутади.
✅ Бугунги кунда туманда пиллачиликни ривожлантириш, соҳада самарадорликни ошириш ва аҳолига қулай шарт-шароитлар яратиш борасида амалий ишлар изчил давом эттирилмоқда.