Xalq deputatlari Uchquduq tuman Kengashi korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi.

 Kun tartibiga muvofiq, Uchquduq tuman “Inson” ijtimoiy xizmatlar markazi faoliyatida korrupsiyaning oldini olish, ochiqlik va shaffoflikni ta’minlash, fuqarolarga xizmat ko‘rsatishda qonunchilik talablariga rioya etilishi holati yuzasidan olib borilgan o‘rganishlar natijalari muhokama qilindi.

Yig‘ilish davomida markaz tomonidan korrupsiyaga qarshi kurashish borasida amalga oshirilayotgan ishlar, ichki nazorat tizimining samaradorligi, murojaatlar bilan ishlash holati hamda aholiga ko‘rsatilayotgan xizmatlar sifati yuzasidan mas’ullarning axborotlari tinglandi.

Muhokamalar davomida tizimda aniqlangan ayrim kamchiliklarni bartaraf etish, profilaktik choralarni kuchaytirish, xizmatlar sifatini yanada oshirish hamda faoliyatda shaffoflik va qonuniylikni ta’minlash bo‘yicha tegishli tavsiya va topshiriqlar berildi.