Xalq deputatlari Uchquduq tuman Kengashi raisi U.Salimov tomonidan “Ko‘kpatas” MFY hududida faoliyat yuritayotgan Ko‘kpatas oilaviy shifokorlik punktida aholiga ko‘rsatilayotgan tibbiy xizmatlar sifati, fuqarolarga o‘z vaqtida va samarali tibbiy yordam ko‘rsatish holati hamda bepul berilishi belgilangan dori vositalari bilan ta’minlash jarayonlari atroflicha o‘rganildi.
O‘rganish davomida:
🔹 fuqarolar qabuli va murojaatlar bilan ishlash tizimi;
🔹 shifokor va hamshiralar tomonidan olib borilayotgan patronaj xizmatlari;
🔹 ona va bola salomatligini muhofaza qilish ishlari;
🔹 surunkali kasallikka chalingan bemorlarni nazorat qilish;
🔹 bepul beriladigan dori vositalarining mavjudligi, saqlanishi va tarqatilishi;
🔹 tibbiyot muassasasining sanitariya holati hamda moddiy-texnik bazasi ko‘zdan kechirildi.

Shuningdek, aholi bilan suhbatlar o‘tkazilib, ularga yaratilayotgan sharoitlar, tibbiy xizmatlardan foydalanish darajasi va mavjud muammolar yuzasidan fikr-mulohazalar tinglandi.

O‘rganish yakunida aniqlangan ayrim kamchiliklarni bartaraf etish, tibbiy xizmatlar sifatini yanada oshirish hamda bepul dori vositalari bilan ta’minlash tizimini kuchaytirish yuzasidan mutasaddilarga tegishli tavsiya va topshiriqlar berildi.

Aholi salomatligini muhofaza qilish, sifatli va qulay tibbiy xizmatlarni tashkil etish borasidagi nazorat tadbirlari davom etadi.