Oʻrganish davomida muassasalarda bolalar uchun yaratilgan shart-sharoitlar, ta’lim-tarbiya jarayonining sifati hamda xavfsizlik masalalariga alohida e’tibor qaratildi, shuningdek deputat guruh xonalari, oshxona, yotoqxona va bolalar o‘yin maydonchalarining holatini ko‘zdan kechirdi. Xususan, tarbiyalanuvchilarning sog‘lom va qulay muhitda ta’lim olishi, dam olishi hamda bo‘sh vaqtini mazmunli o‘tkazishi uchun yaratilgan imkoniyatlar tahlil qilindi.

Muassasalardagi sanitariya-gigiyena talablariga rioya etilishi, mavjud jihozlarning texnik va estetik holati, bolalar xavfsizligini ta’minlash bo‘yicha olib borilayotgan ishlar ham o‘rganildi. Deputat tomonidan tarbiyalanuvchilarning har tomonlama barkamol voyaga yetishi uchun zarur sharoitlarni yanada yaxshilash masalalari yuzasidan mas’ullarga tegishli tavsiya va ko‘rsatmalar berildi.