#tavsiyalar_asosida_elektr_energiya

Kogon shahrida aholini sifatli va barqaror elektr energiyasi bilan ta’minlash borasida olib borilayotgan ishlar doirasida xalq deputatlari Kengashi deputatlari Sh. Isamutdinov hamda F. Quvvatov, mutaxassislar I. Ikromov va Z. Temirova hududlarda bo‘lib, amalga oshirilayotgan ishlar bilan yaqindan tanishdi.

Mahallalarda elektr tarmoqlarining holati, transformator punktlari faoliyati va aholiga yetkazib berilayotgan energiya sifati o‘rganilar ekan, keyingi yillarda tizimda sezilarli o‘zgarishlar amalga oshirilgani qayd etildi. Yangilangan tarmoqlar, zamonaviy uskunalar hamda bosqichma-bosqich olib borilayotgan modernizatsiya ishlari tufayli ko‘plab hududlarda elektr ta’minoti sifati yaxshilanib, aholining kundalik hayotida qulayliklar ortmoqda.

Ochiq muloqotlar davomida fuqarolar tomonidan bildirilgan fikr va takliflarga ham alohida e’tibor qaratildi. Mutaxassislar elektr energiyasidan oqilona foydalanish, mavjud imkoniyatlardan samarali foydalanish hamda tizimni yanada takomillashtirish bo‘yicha tushuntirishlar berdi. Bu kabi o‘rganishlar aholining murojaatlariga yechim topish, hududlarda yaratilayotgan sharoitlarni yanada yaxshilash va xalq manfaatlariga xizmat qiluvchi ishlarni izchil davom ettirishda muhim ahamiyat kasb etmoqda.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash