Davlat xizmatlarining shaffofligi va aholi uchun qulayligini ta’minlash bugungi islohotlarning asosiy maqsadidir. Shu munosabat bilan, Xalq deputatlari Olmaliq shahar Kengashi deputatlari Oybek Qurolboyev, Abdujabbor Djurayev hamda Kotibiyat bosh mutaxassisi Mukarram Nematullayeva Olmaliq shahar Davlat xizmatlari markazi faoliyati bilan yaqindan tanishdilar.

O‘rganish davomida quyidagilar qayd etildi:

✅ Raqamli xizmatlar: Markazda barcha xizmatlar to‘liq elektronlashtirilgan bo‘lib, ular darajasiga ko‘ra "oson", "o‘rta" va "murakkab" turlarga bo‘lingan.

✅ Tezkor xizmat: Fuqarolarga 8 nafar malakali operatorlar tomonidan muntazam ravishda xizmat ko‘rsatilmoqda.

✅ Imtiyozli sharoitlar: Aholining ijtimoiy himoyaga muhtoj qatlamlari uchun alohida "Imtiyozli oyna" tashkil etilgan.

Kimlar navbatsiz xizmatdan foydalanishi mumkin?

Markazda nogironligi bo‘lgan shaxslar, pensionerlar hamda 3 yoshga to‘lmagan farzandi bor ayollar uchun navbatsiz, tezkor xizmat ko‘rsatish tizimi yo‘lga qo‘yilgan.

Markaz rahbari deputatlarni yaratilgan sharoitlar bilan birma-bir tanishtirar ekan, fuqarolarning vaqtini tejash va xizmat sifatini oshirish bo‘yicha amalga oshirilayotgan yangiliklar haqida batafsil ma’lumot berdi.