Xalq deputatlari Jondor tumani Kengashiga 5-Oydin saylov okrugidan saylangan deputat O.Muzaffarov hamda tuman Kengashi kotibiyati mudiri I.Xolovlar hamkorligida shu oyda sessiyaga kiritiladigan masalalarni qoida tariqasida joyiga chiqib o‘rganish ishlari amalga oshirildi.

✔️O‘rganish jarayonida tuman maktabgacha va maktab ta’limi bo‘limi boshlig‘ining 2025–2026 yillar hisobot davrida amalga oshirgan ishlari nazorat tartibida tahlil qilindi. Shuningdek, hududda faoliyat yuritayotgan oilaviy maktabgacha ta’lim tashkilotlari faoliyati ham joyiga chiqib ko‘zdan kechirildi.

✔️Aniqlangan holatlar va tahlil natijalari asosida tegishli taklif va tavsiyalar ishlab chiqilib, ularni sessiyada ko‘rib chiqish belgilandi. Mazkur ishlar ta’lim sifati va muassasalar faoliyati samaradorligini yanada oshirishga xizmat qiladi.