O‘rganish jarayonida ijtimoiy ahvoli og‘ir bo‘lgan yoshlar bilan ishlash, ularning bandligini ta’minlash hamda “Yoshlar daftari” orqali amaliy yordam ko‘rsatish masalalariga alohida e’tibor qaratildi.

Xususan, yoshlar yetakchilari tavsiyasiga ko‘ra “Yoshlar daftari”ga kiritilgan yoshlar holati tahlil qilindi. Hozirgi kunga qadar jami 16 nafar yosh “Yoshlar daftari”ga kiritilgan bo‘lib, ulardan:

6 nafariga kredit mablag‘lari ajratilib, tadbirkorlik faoliyatini yo‘lga qo‘yish imkoniyati yaratildi;

6 nafarining doimiy bandligi ta’minlandi;

1 nafar yoshga 2 mln 100 ming so‘m miqdorida moddiy yordam ko‘rsatildi.

Shuningdek, tahlil jarayonida hozirgi kunda “Yoshlar daftari”da 3 nafar yosh qolayotgani aniqlandi. Ularni ijtimoiy qo‘llab-quvvatlash va bandligini ta’minlash bo‘yicha ishlar davom ettirilmoqda.