Uchrashuv davomida turizm va madaniy meros sohasining bugungi kundagi ahamiyati, hududning turistik salohiyati hamda yoshlar uchun yaratilayotgan imkoniyatlar haqida atroflicha ma’lumot berildi. Xususan, Zomin hududining boy tabiiy va tarixiy maskanlari, ularni saqlab-avaylash hamda turizmni rivojlantirishda yoshlarning o‘rni alohida ta’kidlandi.

Shuningdek, talabalar bilan sohaga bo‘yicha malakali kadrlar tayyorlash, amaliy ko‘nikmalarni oshirish, zamonaviy xizmat ko‘rsatish standartlarini joriy etish masalalari muhokama qilindi. Yoshlarni tadbirkorlikka jalb etish, turizm yo‘nalishida startap loyihalarni qo‘llab-quvvatlash bo‘yicha tavsiyalar berildi.

Uchrashuvda madaniy meros obyektlarini muhofaza qilish, tarixiy qadriyatlarni kelajak avlodga yetkazish, milliy an’ana va urf-odatlarni keng targ‘ib etish yuzasidan fikr almashildi.

Tadbir yakunida yoshlar tomonidan bildirilgan savol va takliflar tinglanib, ularni qo‘llab-quvvatlash hamda amaliy yordam ko‘rsatish ta'kidlandi.