Uchrashuv davomida aholini qiynayotgan muammolar, xususan, infratuzilmani yaxshilash, ichki yo‘llarni ta’mirlash, ichimlik suvi ta’minoti, bandlikni oshirish hamda ijtimoiy himoyaga muhtoj oilalarni qo‘llab-quvvatlash masalalari atroflicha ko‘rib chiqildi.

Shuningdek, mahalla faollari tomonidan bildirilgan taklif va tashabbuslar tinglanib, ularni amaliy hal etish yuzasidan tegishli chora-tadbirlar belgilab olindi. Deputat tomonidan muammolarni tizimli ravishda hal qilish, aholi bilan doimiy muloqotni yo‘lga qo‘yish muhim ekani ta’kidlandi.