Xalıq deputatları Qaraózek rayonlıq Keńesine 4-A.Tóreshov okruginen deputat B.Nietullaev (Ekologiyalıq partiya) Ata mákan MPJ aymaǵın social ekonomikalıq rawajlandırıw baǵdarında hákim járdemshisi tárepinen ámelge asırılǵan jumıslar úyrenildi. 

Puqaralar jıyını hákim járdemshisi I.Kamalovtıń 2026-jıldıń birinshi sheregi dawamında ámelge asırılǵan jumısları úyrenildi. Aymaqta 2026-jıldıń birinshi sheregi dawamında 21 puqara jeńilletilgen kreditit alıp ózin-ózi bánt etken.

Deputat hám sekretariat wákillerine máhálle drayver joybarları boyınsha maǵlıwmat berildi. Deputatlar máhálle aymaǵında úyme-úy júrip isbilermenlikti jolǵa qoyǵan hám ózin-ózi bánt etken puqaralar menen ushırasıp, sáwbetlesti.

Aymaqta jeńilletilgen kredit alıp, bódene baǵıw arqalı shańaraǵına qarjı túsirip atırǵan jas isbilermen A.Kamalovtıń jumısları menen tanıstı. Puqara hákim járdemshi tárepinen jeńilletilgen kredit alıp inkubator hám kerekli úskenelerdi alıp, qusshılıq tarawı boyınsha bódene baǵıwdı jolǵa qoyǵan. 

Búgingi kúnde gósh hám máyek ónimlerin ishki bazarǵa shıǵarıp baslaǵan.Aymaqta úlgili shańaraqlardıń biri T.Reymov shańaraǵı menen tamarqa jerinen dáramat tawıp, qusshılıqtı da jolǵa qoyǵan. Jeńilletilgen kredit alıp tek tamarqa jeri menen sheklenip qalmastan qoy, úyrek, ǵaz hám qoyan baǵıp kelmekte. 

Sonday-aq, A.Axmedaliev tamarqasında biogumus jetistiriwdi jolǵa qoyǵan hám ıssıxana shólkemlestirip, shańaraǵına mol tabıs kiritpekte.Sonday-aq deputat B.Nietullaev, sekretariat baslıǵı Q.Jaqsımuratov hám aymaqtaǵı hákim járdemshisi I.Kamalovlar aymaqtaǵı S.Dosnazarov shańaraǵında da boldı. Tamarqa jerinde ıssıxana shólkemlestirip, birinshi ónimi pisip jetilisip atırǵanlıǵı hám nálxana shólkemlestirip, ishki bazarǵa nál jetistirip bermekte. 

Sonday-aq, qusshılıq penen shuǵıllanıp, shańaraǵın gósh hám máyek ónimleri menen támiyinlep kelmekte.