Yo‘l harakati xavfsizligi va hudud obodligi — deputat
nazoratida 

Aholining xavfsizligini ta’minlash, ayniqsa, ta’lim
muassasalari atrofida yo‘l-transport hodisalarining oldini olish — bugungi
kunning eng muhim vazifalaridan biridir. 

 24-Ko‘lota
saylov okrugidan saylangan xalq deputatlari tuman Kengashi deputati (“Adolat”
SDP guruhi a’zosi) B.Rahmonova hamda Kengash kotibiyati bosh mutaxassisi
G.Xudoyqulova tomonidan hududdagi ichki yo‘llar holati va yo‘l harakati
xavfsizligini ta’minlash borasidagi ishlar o‘rganildi. 

 Maktab oldidagi
xavfsizlik — diqqat markazida: O‘rganish davomida okrug hududidagi 29-sonli
umumta’lim maktabi oldida avtomobillar harakat tezligini kamaytirish maqsadida
o‘rnatilgan sun’iy notekisliklar (“lejachiy politseyskiy”) ko‘zdan kechirildi.
Ushbu chora-tadbir maktab o‘quvchilarining yo‘ldan xavfsiz o‘tishini ta’minlash
va yuz berishi mumkin bo‘lgan noxush hodisalarning oldini olishga qaratilgan. 

 O‘rganish
doirasida quyidagi masalalar ham tahlil qilindi: 

Mahalla ichki ko‘chalarining holati; 

Ko‘chalarni tunda yoritish tizimining ishlashi; 

Avtomobil yo‘llarida tirbandliklarning oldini olish va
YTHlar ko‘p sodir bo‘layotgan nuqtalarda xavfsizlikni kuchaytirish. 

 Deputat
ta’kidi: 

“Bolalarimizning xavfsizligi biz uchun eng oliy
qadriyatdir. Maktab atrofida tezlikni kamaytiruvchi to‘siqlarning o‘rnatilishi
— bu xavfsizlik yo‘lidagi kichik, lekin muhim qadam. Biz mahalla ichki
yo‘llarini ta’mirlash va ko‘chalarni yoritish tizimini to‘liq sozlash bo‘yicha
ishlarni izchil davom ettiramiz”, — dedi deputat B.Rahmonova. 

Telegram
(http://t.me/PiskentTumaniKotibiyati) Facebook (https://www.facebook.com/share/1B4wErcYvP/