Tuman Kengashi deputatlari tomonidan o‘rganilishi lozim bo‘lgan eng muhim qonun hujjatlarini deputatlarga biriktirish tartibi bilan tanishib chiqildi.

Mazkur tartibga muvofiq:

• deputatlar o‘z mutaxassisligi hamda doimiy komissiyalardagi a’zoligidan kelib chiqib, eng muhim qonun hujjatlariga biriktirilgan;

• har bir deputat o‘ziga biriktirilgan qonun hujjatini har tomonlama va mukammal o‘rganib chiqishi belgilangan.

Bundan ko‘zlangan maqsad — deputatlar tomonidan doimiy komissiyagacha bo‘lgan jarayonda masalalarni puxta o‘rganish, komissiya va sessiya muhokamalarida masalalarning qonun hujjatlariga muvofiqligi, asosliligi hamda boshqa muhim jihatlarini to‘g‘ri baholash uchun yetarli bilim va ko‘nikmalarga ega bo‘lishini ta’minlashdan iborat.

✍️Oltinsoy tumani Kengash Kotibiyati Axborot xizmati