Xalq deputatlari Bekobod tumani Kengashiga O‘zbekiston MTDPdan saylangan deputat, Kengash kotibiyati mudiri Q. Bobojonov Parchayuz mahallasida rekonstruksiya qilinayotgan oilaviy shifokorlik punktida bo‘lib, qurilish ishlarining borishini o‘rgandi.

Tashrif davomida quruvchilar bilan ishlarning sifati, bajarilish sur’ati, binoning isitish va sovitish tizimlari hamda qurilishni yakunlash muddatlari yuzasidan fikr almashildi.

Shuningdek, fuqarolar bilan uchrashuvlar davomida tibbiyot sohasida ko‘tarilgan muammolar tuman rahbariyatiga yetkazilib, amaliy takliflar kiritilgan edi. Rahbariyatning e’tibori va to‘g‘ri yondashuvi natijasida ushbu obyektni rekonstruksiya qilish ishlari boshlandi.

Ta’kidlash joizki, bino sifatli ta’mirlanib, foydalanishga topshirilgach, hududdagi 4 ming nafarga yaqin aholi zamonaviy va sifatli tibbiy xizmatdan bahramand bo‘ladi.