Xalq deputatlari Paxtakor tumani Kengashi 11–Muqumiy saylov okrugi deputati Z.Shodmonov Bog‘ishamol mahallasi, Qoramizo qishlog‘ida bo‘lib, saylovchilar holidan xabar oldi hamda ularni qiynab kelayotgan dolzarb muammolarni atroflicha o‘rgandi.

Deputat har bir murojaatni diqqat bilan tinglab, muammolarni joyida o‘rganish asosida tegishli tashkilotlar bilan hamkorlikda hal etish choralarini belgiladi. Shuningdek, mas’ul mutasaddilarga aniq topshiriqlar berilib, ijrosini nazoratga olish ta’kidlandi.

Mazkur uchrashuv aholining dardini eshitish, mavjud muammolarga yechim topish hamda hududda olib borilayotgan ishlar samaradorligini oshirishga xizmat qilmoqda.