Saylovchilar bilan ochiq muloqot o‘tkazildi.

🏛Xalq deputatlari Hazorasp tuman Kengashi deputati Masharipova Sayyora O‘rinovna tomonidan Juvarxos mahallasida saylovchilar bilan uchrashuv tashkil etildi. Mazkur uchrashuvdan ko‘zlangan asosiy maqsad fuqarolar bilan bevosita muloqot qilish, ularning muammo va takliflarini o‘rganish hamda hududdagi dolzarb masalalarni muhokama etishdan iborat bo‘ldi.

📝Uchrashuv davomida mahalla aholisi tomonidan kommunal xizmatlar sifati, ichki yo‘llarni ta’mirlash, yoshlar bandligini ta’minlash, xotin-qizlarni qo‘llab-quvvatlash va ijtimoiy himoya masalalari yuzasidan fikr-mulohazalar bildirildi. 

✅Saylovchilar o‘zlarini qiynab kelayotgan ayrim muammolarni deputatga yetkazib, ularni bartaraf etish bo‘yicha amaliy yordam so‘rashdi.

📁Deputat Masharipova Sayyora O‘rinovna har bir murojaat va taklifni diqqat bilan tinglab, ko‘tarilgan masalalarni tegishli tashkilotlar bilan hamkorlikda hal etish bo‘yicha zarur choralar ko‘rilishini ta’kidladi. Shuningdek, fuqarolar bilan bunday uchrashuvlarni muntazam ravishda o‘tkazish muhimligini bildirib, aholi ishonchini oqlash deputatlik faoliyatining ustuvor vazifalaridan biri ekanini qayd etdi.

❗️Mazkur uchrashuv samimiy ruhda o‘tib, fuqarolar va deputat o‘rtasidagi o‘zaro ishonch hamda hamkorlikni yanada mustahkamlashga xizmat qildi.