Xalq deputatlari Chortoq tuman Kengashi kotibiyat mudiri, 24- “Baliqliko‘l” saylov okrugidan deputat F.Bahodirov “Baliqliko‘l” MFY hududidagi “Sulton Uvays Qaroniy” ziyoratgohiga borish yo‘lida mavsumiy yog‘ingarchiliklar hatijasida handaklar paydo bo‘lgani ziyoratgohga keluvchilar va aholining haqli e’tiroziga sabab bo‘layotgani yuzasidan yo‘llagan deputatlik so‘roviga tegishli tashkilotlar tomonidan amaliy ishlar bilan javob berildi.

Chortoq tuman Yo‘llardan foydalanish korxonasi tomonidan so‘rovnoma ijrosi doirasida ishlar boshlangani, mazkur ziyoratgoh yo‘lida ta’mirlash jarayoni qizg‘in davom etayotgani ma’lum qilingan.

️O‘z navbatida,Xalq deputatlari tuman Kengashi nomidan aholi e’tiroziga sabab bo‘layotgan muammolarni bartaraf etishga mas’uliyat bilan yondoshayotgan tuman xokimining soha bo‘yicha o‘rinbosari A.Rustamov va Yo‘llardan foydalanish korxonasi xodimlariga o‘z minnatdorchiligimizni bildiramiz!