Xalq deputatlari Chilonzor tuman Kengashi deputati Imomov Sanjarali To‘lqinovich tomonidan Beshqo‘rg‘on mahalla fuqarolar yig‘inida fuqarolar hamda mahalla faollari ishtirokida uchrashuv tashkil etilib, unda hududda amalga oshirilayotgan ishlar yuzasidan batafsil axborot taqdim etildi.

Uchrashuv jarayonida tumanning ijtimoiy-iqtisodiy rivoji, infratuzilmani yanada yaxshilash, kommunal xizmatlar samaradorligini oshirish hamda aholini tashvishga solayotgan dolzarb masalalar keng muhokama qilindi.

 Fuqarolar tomonidan bildirilgan murojaatlar, taklif va tashabbuslar deputat tomonidan e’tibor bilan tinglanib, tegishli xulosalar chiqarildi.

Shu bilan birga, ko‘tarilgan muammolarni bosqichma-bosqich bartaraf etish, mas’ul tashkilotlar bilan hamkorlikni kuchaytirish hamda ularning ijrosini ta’minlash bo‘yicha aniq chora-tadbirlar belgilandi.