Boyovut tumani tajribasi asosida ishlab chiqilgan “Yo‘l xarita” hamda uning doirasida tumanda ijtimoiy sohani rivojlantirish kichik dasturi vazifalari ijrosi yuzasidan tizimli o‘rganishlar olib borildi.

Xususan, “Yo‘l xarita”ning 9-bandida belgilangan umumta’lim maktablarida “inklyuziv sinflar” tashkil etish masalasi doirasida tumanning “Olmazor” mahallasida joylashgan 9-maktab faoliyati o‘rganildi.

O‘rganish jarayonida mazkur maktabda hozirgi kunda “inklyuziv sinf” tashkil etilmaganligi, shuningdek, ushbu yo‘nalish bo‘yicha tegishli dasturga kiritilmaganligi maktab rahbariyati tomonidan ma’lum qilindi.

Mazkur holat yuzasidan mas’ul tashkilotlar bilan hamkorlikda qo‘shimcha o‘rganishlar olib borish hamda kelgusida “inklyuziv ta’lim”ni joriy etish imkoniyatlarini ko‘rib chiqish yuzasidan tegishli takliflar bildirildi.