Xalq deputatlari Uchquduq tuman Kengashi kotibiyat mudiri M.Kamolova tomonidan tuman Kambag‘allikni qisqartirish va bandlik bo‘limi faoliyati joyiga chiqqan holda atroflicha o‘rganildi.

 O‘rganish davomida bo‘lim tomonidan amalga oshirilayotgan ishlar, xususan, aholi bandligini ta’minlash, yangi ish o‘rinlari yaratish, tadbirkorlikni rivojlantirish orqali daromad manbalarini kengaytirish, ijtimoiy himoyaga muhtoj hamda kam ta’minlangan oilalarni qo‘llab-quvvatlash borasidagi chora-tadbirlar holati tahlil qilindi.

 Shuningdek, fuqarolarning murojaatlari bilan ishlash tizimi, ularning muammolarini hal etishdagi amaliy natijalar alohida ko‘rib chiqildi.

  Shuningdek, mavjud muammolar va kamchiliklar yuzasidan mas’ul xodimlar bilan suhbat o‘tkazilib, ularni bartaraf etish bo‘yicha tegishli tavsiyalar berildi.

 Shu bilan birga, bandlik ko‘rsatkichlarini oshirish, aholini kasb-hunarga o‘qitish, subsidiyalar va kreditlar ajratish mexanizmlaridan samarali foydalanish hamda manzilli ishlarni yanada kuchaytirish zarurligi ta’kidlandi.

 O‘rganish yakunlari bo‘yicha sohaga oid ishlarni yangi bosqichga olib chiqish, aholining real daromadlarini oshirish va kambag‘allikni qisqartirish borasida ustuvor vazifalar belgilab olindi.