Xalq deputatlari Uchquduq tuman Kengashi kotibiyat mudiri M.Kamolova hamda kotibiyat bosh mutaxassisi T.Xaydarov tomonidan mahalladagi soliq inspektoriga yuklatilgan vazifalarning ijrosi yuzasidan amalga oshirilayotgan ishlar holati joyiga chiqqan holda o‘rganildi.

 O‘rganish jarayonida mahalla soliq inspektori o‘z faoliyatini Vazirlar Mahkamasining 292-sonli qarori, tegishli yo‘riqnoma hamda amaldagi qonunchilik hujjatlariga muvofiq 33 ta yo‘nalish bo‘yicha olib borishi qayd etildi.

 Jumladan, soliq inspektorining asosiy vazifalari sifatida:

▫️ hududning soliq bazasini kengaytirish va tadbirkorlik faoliyatini qonuniylashtirishga ko‘maklashish;

▫️ mol-mulk va yer soliqlari to‘lovchilarini hisobga olish hamda soliqlar o‘z vaqtida to‘lanishini nazorat qilish;

▫️ soliqlarning ixtiyoriy to‘lanishini ta’minlashga qaratilgan targ‘ibot ishlarini tashkil etish;

▫️ mablag‘larning g‘ayriqonuniy aylanishi manbalariga barham berish hamda naqd pul tushumlarining to‘liq va o‘z vaqtida topshirilishini nazorat qilish;

▫️ soliq to‘lovchilarga o‘z majburiyatlarini bajarishda amaliy ko‘maklashish kabi vazifalar belgilangan.

 O‘rganishlar davomida mazkur vazifalarning bajarilish holatiga alohida e’tibor qaratildi.