#sessiya

Xalq deputatlari Toshkent viloyati Kengashining 7-chaqiriq, 28-sessiyasi videokonfrensiya shaklida bo‘lib o‘tdi. 

Kun tartibidagi O‘rta Chirchiq tumani hududida jismoniy shaxslarga tegishli bo‘lgan ko‘chmas mulk obyektlarini kompensatsiya evaziga jamoat ehtiyojlari uchun olib qo‘yish to‘g‘risida masala yuzasidan Viloyat hokimligi Yer uchastkalari olib qo‘yilishi va kompensatsiya berish ishlarini muvofiqlashtirish Sho‘basi mudiri B.Xusanboyev axboroti eshitildi.

Qishloq xo‘jaligini rivojlantirish xalqaro jamg‘armasi (IFAD) ishtirokidagi “Agrobiznes uchun samarali yechimlar: yuqori daromad, investitsiya va barqarorlik” bo‘yicha ishlab chiqilgan loyiha konsepsiyasini kelishish to‘g‘risida O‘zbekiston Respublikasi Qishloq xo‘jaligi vazirligining Qishloq xo‘jaligini rivojlantirish strategiyasini amalga oshirish va innovatsiyalarni joriy etish departamenti boshlig‘i o‘rinbosari — Investitsiyalar va xorijiy grantlar boshqarmasi boshlig‘i Sh.Akramov to'liq ma'lumot berib o'tdi va deputatlar muhokama qilib loyiha konsepsiyasi tasdiqlandi.

Ohangaron tumanidagi “Silk Invest Group Limited” mas’uliyati cheklangan jamiyatga yer solig‘i bo‘yicha soliq to‘lash muddatlarini o‘zgartirish imkoniyatini berish to‘g‘risida masala ko'rib chiqilib, deputatlar tomonidan muhokama qilindi.

Shuningdek, Xalq deputatlari Toshkent viloyat Kengashining va doimiy komissiyalarning 2026 yilga mo‘ljallangan ish rejasi tasdiqlandi.

Kun tartibidagi masalalar bo’yicha tegishli doimiy komissiyalarning xulosalari o’qib eshitirildi va tegishli qarorlar qabul qilindi.

https://t.me/TV_Kengash