Yig‘ilish komissiya rejasiga muvofiq tashkil etilib, unda O‘zbekiston Respublikasi Oliy Majlisi Senati Kengashining 2026-yil 12-martdagi KQ-325-V-sonli qarori ijrosi doirasidagi masalalar ko‘rib chiqildi. Xususan, Marg‘ilon shahar byudjetining qo‘shimcha manbalarini aniqlash va ulardan foydalanish tartibini belgilovchi Nizomni tasdiqlash masalasi kun tartibidan o‘rin oldi.

Mazkur masala yuzasidan shahar iqtisodiyot va moliya bo‘limi boshlig‘i o‘rinbosari B.Xolmatov hisobot berdi. Hisobotda byudjet daromadlarini oshirish, mavjud imkoniyatlarni safarbar etish hamda qo‘shimcha tushum manbalarini aniqlash bo‘yicha amalga oshirilayotgan ishlar atroflicha yoritildi.

Yig‘ilish davomida deputatlar tomonidan mavzu yuzasidan fikr va takliflar bildirilib, qo‘shimcha manbalardan samarali va maqsadli foydalanish, mablag‘larni ustuvor yo‘nalishlarga yo‘naltirish hamda moliyaviy intizomni kuchaytirish zarurligi alohida ta’kidlandi va tegishli tavsiyalar berildi. 

Muhokamalar yakunida mazkur Nizomni tasdiqlash yuzasidan tegishli qaror qabul qilindi.