Xalq deputatlari tuman Kengashi deputati A.Toirov. kotibiyat bosh mutaxassisi M.Mahmudov va O‘zbekiston Liberal-demokratik partiyasi tuman Kengashi apparat rahbari A.O‘rmonovalar tomonidan Guzarboshi mahalla fuqarolar yig‘inida mahalla yettiligi faoliyati o‘rganildi.

O‘rganish jarayonida mahalladagi mavjud infratuzilma holati, aholi bandligini ta’minlash, kam ta’minlangan oilalarni qo‘llab-quvvatlash, tadbirkorlikni rivojlantirish hamda fuqarolarning turmush darajasini oshirishga qaratilgan chora-tadbirlar atroflicha ko‘rib chiqildi.

Uchrashuv davomida yoshlarni bo‘sh vaqtini mazmunli tashkil etish, ularni ijtimoiy qo‘llab-quvvatlash yuzasidan taklif va tavsiyalar berildi.