#tavsiyalar_asosida

Kogon shahrida Xalq deputatlari shahar Kengashi raisi A. Yangiyev, deputat D. Arabova hamda mutaxassislar I. Ikromov va Z. Temirovalar Beruniy mahalla fuqarolar yig‘inida o‘rganish ishlarini olib bordi.

Tadbir davomida hududda xotin-qizlar bandligini ta’minlash, ularni tadbirkorlik faoliyatiga keng jalb etish hamda mavjud imkoniyatlardan samarali foydalanish masalalari tanqidiy-tahliliy ruhda ko‘rib chiqildi. Aniqlangan muammo va kamchiliklar yuzasidan aniq vazifalar belgilandi, mas’ullarga qat’iy topshiriqlar berildi. Deputatlar va mutaxassislar tomonidan mahalla xotin-qizlar faoli faoliyati o‘rganildi, tegishli hujjatlashtirish va hisobot ishlari tahlil qilindi.

Davlat tomonidan xotin-qizlar bandligi va tadbirkorligini qo‘llab-quvvatlash maqsadida bir qator imtiyozlar joriy etilgan. Jumladan, yakka tartibdagi tadbirkorlik faoliyatini boshlayotgan xotin-qizlar uchun bir yil muddatga soliq imtiyozlari, shuningdek, uy sharoitida hunarmandchilik, tikuvchilik va xizmat ko‘rsatish bilan shug‘ullanuvchilarga foizsiz kreditlar ajratilishi belgilangan. Monomarkazlar va Bandlikka ko‘maklashish markazlari orqali bepul kasb-hunar, kompyuter va tadbirkorlik kurslari tashkil etilgan. “Temir daftar” va “Ayollar daftari” doirasida moddiy yordam, ishga joylashtirish kvotalari va subsidiyalar ham taqdim etilmoqda. O‘rganish davomida mazkur imtiyozlardan foydalanishning amaldagi holati, ularning samaradorligi va aholiga yetkazilish darajasi tahlil qilindi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)