Monitoring davomida ta’lim muassasasida o‘quv jarayonining tashkil etilishi, o‘qituvchilarning malakasi, darslarning sifat darajasi hamda o‘quvchilar uchun yaratilgan sharoitlar atroflicha o‘rganildi. 

O‘rganish jarayonida qonun talablariga rioya etilishi, ta’lim sifatini oshirishga qaratilgan ishlar va o‘quvchilarni har tomonlama rivojlantirish bo‘yicha amalga oshirilayotgan chora-tadbirlar tahlil qilindi.

Mas’ullar bilan o‘tkazilgan suhbatda mavjud muammolar va ularni bartaraf etish yuzasidan takliflar muhokama qilinib, ta’lim jarayonini yanada takomillashtirish, sifatni oshirish hamda qonun ijrosini to‘liq ta’minlash bo‘yicha tegishli tavsiyalar berildi.

Ta’kidlanganidek, “Ta’lim to‘g‘risida”gi Qonun talablarini amalda to‘liq ta’minlash yosh avlodning sifatli ta’lim olishi va barkamol bo‘lib voyaga yetishida muhim ahamiyat kasb etadi.