Халқ депутатлари Янгиқўрғон туман Кенгаши депутати Мирзалиев Хабибулло Авазбекович томонидан сайлов округида жойлашган Зарбдор маҳалласида бўлиб, маҳаллада фаолият юритаётган ижтимоий ходимнинг иш жараёни билан танишилди.

Ўрганиш давомида ижтимоий ҳимояга муҳтож аҳолини қўллаб-қувватлаш борасида амалга оширилаётган ишларга алоҳида эътибор қаратилди. Жумладан, эҳтиёжманд оилаларни озиқ-овқат маҳсулотлари, кийим-кечак ва бошқа зарур товарлар билан таъминлаш, шунингдек, коммунал харажатларни қоплаш бўйича кўрсатилаётган хизматлар ҳолати ўрганилди.

Шу билан бирга, аҳолининг ижтимоий муаммоларини аниқлаш, уларни манзилли қўллаб-қувватлаш ва амалий ёрдам кўрсатиш юзасидан олиб борилаётган ишлар муҳокама қилинди. Депутат томонидан бу каби фаолият аҳолини ижтимоий муҳофаза қилиш, уларнинг ҳаёт шароитини яхшилаш ҳамда эҳтиёжманд оилаларни ҳар томонлама қўллаб-қувватлашда муҳим аҳамиятга эга экани таъкидланди.