Xalıq deputatları Bozataw rayonlıq Keńesine 9-sanlı «Dawıtkól» saylaw okruginen (ÓzLiDeP) deputat G.Bekbosınova óz saylaw okrugi aymaǵında jaylasqan ulıwma bilim beriw mektebinde bolıp, ol jerdegi sport zalınıń búgingi jaǵdayın hár tárepleme úyrendi.

 Úyreniw procesinde deputat sport zalınıń ulıwma jaǵdayı, olardıń sanitariyalıq-gigienalıq talaplarǵa juwap beriwi, ısıtıw hám jaqtılandırıw sistemaları, sonday-aq, oqıwshılar ushın jaratılǵan sharayatlar menen jaqınnan tanıstı. Sonıń menen birge, sport inventarlarınıń bar ekenligi, olardıń sapası, paydalanıw dárejesi hám eskirgen yamasa jaramsız halǵa kelgen inventarlar máselesi de ayrıqsha itibarǵa alındı.

Deputat tárepinen úyreniw jumısları jaslar arasında salamat turmıs tárizin úgit-násiyatlaw, olardıń fizikalıq belsendiligin arttırıw hám sportqa bolǵan qızıǵıwshılıǵın jáne de kúsheytiwge xızmet etedi.