Xalq deputatlari Parkent tuman Kengashiga 5-Changi saylov okrugidan saylangan deputat Mahkamova Feruza Sa’diyevna Parkent tumani sport maktabida bo‘lib, aholining sport bilan shug‘ullanishlari uchun yaratilgan sharoitlar hamda sport inshootlarining holati bilan yaqindan tanishdi. O‘rganish jarayonida sport majmuasidagi sport zallari, ularning texnik holati, mavjud sport anjomlari hamda jihozlarning bugungi kundagi ahvoli atroflicha ko‘zdan kechirildi. Shuningdek, yoshlar va aholi uchun yaratilgan sharoitlar, sport bilan muntazam shug‘ullanish imkoniyatlari, infratuzilmaning talab darajasiga mosligi hamda sport anjomlarining yetarliligi va sifati alohida o‘rganildi. Bundan tashqari, sport zallarining yoritilishi, isitish va shamollatish tizimlari, xavfsizlik qoidalariga rioya etilishi kabi muhim masalalarga ham e’tibor qaratildi. O‘rganish davomida sport murabbiylari bilan muloqot o‘tkazilib, mavjud muammo va takliflar tinglandi, ularni bartaraf etish yuzasidan takliflar bildirildi. Shuningdek, deputat tomonidan sport infratuzilmasini yanada rivojlantirish, yoshlarni sportga keng jalb etish, sog‘lom turmush tarzini targ‘ib qilish maqsadida mavjud imkoniyatlardan samarali foydalanish bo‘yicha tegishli tavsiya va ko‘rsatmalar berildi. O‘rganish yakunida aniqlangan kamchiliklarni mas’ul tashkilotlar bilan hamkorlikda bartaraf etish choralarini ko‘rish belgilab olindi.