Uchrashuv davomida aholini ijtimoiy qo‘llab-quvvatlashga qaratilgan muhim masalalar muhokama qilindi. Jumladan, “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘zbekiston Respublikasi Qonuni (№ O‘RQ-415, 26.12.2016) mazmun-mohiyati keng targ‘ib etildi.

Shuningdek, quyidagi yo‘nalishlarda amalga oshirilayotgan ishlar va mavjud masalalar yuzasidan fikr almashildi:

— mahalla xotin-qizlar faoli tomonidan olib borilayotgan ishlar samaradorligi;

— mahalladagi soliq inspektori faoliyati va yuklatilgan vazifalarning bajarilishi;

— ichki ko‘cha yo‘llari holati, tungi yoritish, transport tirbandliklari hamda yo‘l-transport hodisalarini kamaytirish choralar;

— bepul beriladigan dori vositalari bilan ta’minlash holati.

Uchrashuv davomida fuqarolarning murojaatlari tinglanib, ularni hal etish yuzasidan tegishli tavsiyalar berildi.

Bunday ochiq muloqotlar aholi muammolarini joyida o‘rganish va samarali yechimlar topishda muhim ahamiyat kasb etadi.